Graduasaun Daualu (VIII) Instituto Profissional de Canossa tinan 2022
2022-05-25 | 14:00:00 | Admin
Bazeia ba Despacho Ministerial Numeru 018/GM-MESCC/V/2022- “Autoriza o Instituto Profissional de Canossa (IPDC) a conferir os graus académicos aos estudantes que concluíram, em 2022, os cursos autorizados e que constam das listas de graduação” Ne’ebe fo autorizasaun ba Instituto Profissional de Canossa realiza ceremonia de graduasaun ba Dala Ualu (VIII) iha tinan akademiku 2022 ho tema “ Formar o Espírito Nacionalista de Liderança na Nova Geração”. Total estudante ne’ebe tuir graduasaun dala ualu hamutuk 44 pessoas ne’ebe kompostu husi Departamentu Gestão Administrativa hamutuk 18 pessoas ho Departamentu Técnicas de Computação e Informática hamutuk 26 pessoas. Melhor Graduado IPDC ba tinan akademiku 2022 maka Graduado Bentolino Soares ho valor kumulativu 3.47 husi departamentu Gestão Administrativa no estudante ne’ebe hetan valor diak iha Departamentu Técnicas de Computação e Informática maka José Venâncio de Sousa Freitas ho valor kumulativu 3.24.
Orador ba Oratio Sapientiae ba graduasaun daualu ne’e maka Lider Karismátiku Maun Boot Kay Rala Xanana Gusmão, iha orador nia diskursu koalia kona ba “Atu forma espíritu nasionalista iha lideransa ba jerasaun foun” ne’ebe misaun ida ne’e monu ba knar Instituisoens Ensino Superior nian – preparasaun ba futuru jerasaun, atu hakbiit sira iha hanoin no iha prátika, hodi servi Pátria no Povu ho diak, ho onestidade no ho responsabilidade iha sira-nia profisaun ka servisu ida-idak.
Lider Karismátiku ne’e mos hateten katak só kapasidade iha hanorin ne’ebe hamoris ka atu hetan hanoin ne’ebe nakloke ba análize, hodi halo reflesaun mak bele garante Jerasaun Foun ida ho hanoin luan no di’ak. Nune’e Instituisoens Superiores sira tenki haka’as-an iha kualidade de Ensinu tanba ‘Eduka’ katak ‘Hakbiit’.
‘Lideransa’ signifika kbiit atu komprende ninia responsabilidade rasik, iha pozisaun ka fatin ne’ebe okupa. Mosu dever boot ida atu komprende sa-ida maka Ema, ne’ebe lidera, tenke iha nudar baze ba ninian konesementu. Nia tenke hatene hahu uluk buka hatene sa-ida mak nia atu halo, nia tenki mos buka hatene sa-ida mak sira seluk tenki halo, nia tenki interioriza ninia responsavilidades rasik no haktuir lolos normas hotu-hotu ne’ebe regula ka orienta sira seluk ninian atividades ka servisu iha ninia lideransa okos.
Sai nu’udar lider signifika katak iha komprensaun lolos kona ba nia deveres, husi ne’e mak nia tarsa planus no bele iha vizaun ida hodi permit katak ninia atividades bele la’o iha dalan ne’ebe di’ak, tuir komprimisiu nebe fo sai ba sosiedade no ba paiz.
Lideransa’ nebe di’ak presiza duni empenhamento ka komitmentu total iha deveres atu bele hakotu tiha rotina husi’ la hatene buat ida, mas lakohi rona ema seluk’ ‘liderensa ‘ne’ebe di’ak presiza umildade ka haraik-an atu halakon tiha kultura husi’ nia hanoin katak hatene buat hotu-hotu mas ko’alia arbiru de’it, no ‘lideransa ‘nebe di’ak ezije onestidade iha diskusaun kona-ba problemas atu hapara tiha visiu husi ‘ema ida labele ko’alia, tanba iha ne’e se mak manda, hau de’it’.
Reprezentante Ministro do Ensino Superior, Ciência e Cultura RDTL, maka Director Ezekutivu ANAAA, Senhor Edmundo Viegas, P.Hd, nia diskursu hateten katak Instituto nia dezignasaun rasik hatudu katak nia hili cursos hirak ne’ebé iha kbiit profesionalizante maka’as, ninia foku maka atu forma profesionais hodi transmite ba formandu sira kompetensia atu hatene halo ka saber fazer. Instituto Profissional de Canossa dadaun ne’e forma professionais iha area sira ne’ebé relevante iha merkadu trabalho hanesan Jestaun Administrativa, Técnicas de Computação e Informática, e Hospitalidade no Kulinaria, husi formasaun hirak ne’e hatudu preokupasaun Insituto ida ne’e nian ba administrasaun profesional.
Madre Superiora Provincial Me. Dulce Magno, FdCC, mos hato’o hau nia parabens wain ba graduandu sira hotu, imi nia esforsu, dedikasaun, sakrifisiu, matawen ho serteja katak ho ema lubun boot ida ne’e nia tulun, apoiu no sakrifisiu mos mak imi bele hamriik metin to’o iha momentu ida ne’e, liu-liu ba imi nia inan aman, dosente sira no belun sira hotu.
Madre Superiora Provincial mos sita Amo Papa Francisco nia liafuan iha okaziaun plenaria pontificia akademia siensia sosiais nian iha 2019 “O Estado Nacional não pode ser considerado o povo com o absoluto como uma ilha, em relacao ao contexto circundante um país pode ser soberana mais não fechada”, ho liafuan santo padre nian ida ne’e hau hakarak liga ho tema IPDC ne’ebé dehan formar o espirito nacionalista de lideranca na nova geração, karakteristika prinsipais husi lideransa ne’ebé mak iha espirito nacionalista mak ida ne’ebé brani fo nia an, fo nia moris rasik hodi defende nasaun no estadu ninia soberania, defende rikezas naturais nasaun nian, rai kalohan no riku soin tomak ne’ebé propoin iha laran. Lideransa mak ema ne’ebé konstrui no manten identidade nasional ida ne’ebé unika, diferente no liga ho parte krestikas sosiais partilhadas, kultura, lian no relijiaun, no iha tempu ne’ebé hanesan ema ida ne’ebé abertu no ema relasaun ho ema seluk no nasaun seluk no ema ne’ebé haleu nia.
Madre Reitora Instituto Profissional de Canossa (IPDC), madre Ervinia Martins Brito, FdCC iha diskursu hateten katak IPDC consistente nafatin ho nia Motto: “IN LUMINE TUO, VIDEBIMUS LUMEN (Salmo 36:9) Iha Ita roman ami haree naroman” Motto ne’e inspira nafatin edukasaun Instituto Profissional de Canossa oinsa atu fo importancia ba ema iha prosesu tomak aprendizagem nian. Fo hanoin mos ba graduado/a sira atu iha koneksaun nafatin ho imi nia almamater. Susesu momentu ne’e, loke espasu ba imi atu tama iha realidade foun – buka atu manan experiência uluk iha servisu sira hodi promove liu tan imi nia-an.
Parabens ba Graduandu Instituto Profissional de Canossa
Parabens ba Departementu Jestaun Administrativa
Parabens ba Departementu Técnicas de Computação e Informática
Viva Santa Madalena de Canossa
Viva Santa Josefina Bakhita
Viva IPDC