Gabinete Vice Reitor Asuntu Estudantil IPDC
Gabinete Estudantil existe hodi tulun serbisu iha parte estudantil nian, liu husi planu estratejiku ne’ebé trasa atu bele dezenvolve diak liu tan Institutu Profissional de Canossa ba futuru ida buras liu.
Preparasaun planu estratejiku ne’e sai hanesan guia ida ne’ebé uza hodi hatan ba prekupasaun no problema ne’ebé sei infrenta durante tinan Sanulu resin lima (15) ezistensia IPDC liu-liu iha parte Estudantil nian ne’ebé sai hanesan objetu prinsipal ne’ebé persija konsideira, organiza dezenvolve no kapasita atu bele atrai no bele promove IPDC ba futuru ida buras liu.
Implementasaun estandarte kuríkulum bazeia ba despacho ministerial liga ba departamentu Jestaun Administrativa no departamentu Teknika de Computasaun e Informática (TCI) no polítika ne’ebé trasa husi kada departamentu hodi hala’o prosesu ensino aprendizajen, konsege produs graduadu lubuk ne’ebé kuaze maioria hola parte hotu iha organizasaun govermental, institusaun privadu no institutu públiku hanesan funsionáriu nomos sai hanesan lideransa iha fatin refere.
Rezultadu no susesu hirak ne’ebé mak estudante sira hetan la ses husi fasilidade no rekursu ne’ebé Institutu Profissional de Canossa oferese hodi fo apoio ba politika husi departamentu hodi nune’e bele atinji objetivu prinsipal husi visaun no misaun ne’ebé estabelese iha Instituto Profissional de Canossa.