Graduasaun Dahitu (VII) Instituto Profissional de Canossa tinan 2019
2019-12-20 | 12:00:00 | Admin
Bazeia ba Despacho Ministerial Numeru 077/GM-MESCC/XII/2019 –“ Autoriza o Instituto Profissional de Canossa (IPDC) a conferir os graus académicos aos estudantes que concluíram, em 2019, os cursos autorizados e que constam das listas de graduação “. Ne’ebe fo autorizasaun ba Instituto Profissional de Canossa realiza ceremonia de graduasaun ba dala hitu (VII) iha tinan akademiku 2019 ho tema “ Papel Ensino Superior Timor-Leste iha era Revolução Industria 4.0 “, total estudantes ne’ebe tuir graduasaun dahitu tinan akademiku 2019 ne’e hamutuk 42 pessoas ne’ebe kompostu husi Departementu Jestaun Administrativa hamutuk 21 Pessoas no Departementu Técnicas de Computação e Informática hamutuk 21 pessoas. Melhores Graduando IPDC ba tinan akademiku 2019 maka Graduanda Merlinde Alice Guterres Faria ho valor kumulativu 3.50 husi Departementu Jestaun Administrativa, no estudante ne’ebe hetan valor diak iha Departementu Técnicas de Computação e Informática maka Eufrasia Marçal Belo ho valor kumulativu 3.35.
Orador ba Oratio Sapientiae ba graduasaun dahitu ne’e maka Senhor Edmundo Viegas, P.Hd, iha orador ninian diskursu koalia kona ba revolução industrial husi 1.0 to 4.0, ne’ebe fo duni impaktu tebes ba area hotu-hotu, tanba iha mudansa teknologia digital ne’ebe lalais tebes no hafasil tebes ema ninian atividade moris e koalia mos kona ba ensino superior iha Timor-Leste hahu iha dekade 1980, oras ne’e dadaun (2019) Instituisaun / Universidade iha Timor-Leste hamutuk sanulu resin lima (15), no senhor orador sublinha katak “Esensia buka Matenek ne’e Atu Serbi ita ema Nia Moris, ba sociedade nia diak no ba umanu ”.
Ministro do Ensino Superior, Ciência e Cultura RDTL, Senhor Dr. Longinhos dos Santos mos partisipa iha graduasaun dahitu IPDC ida ne’e, iha senhor Ministro ninian diskursu hateten katak cerimonia gradusaun ida ne’e hatudu ona susesu iha misaun ne’ebe mak instituisaun ensino superior sira tenke hala’o liu-liu kontribuisaun ba formasaun rekursu humanu iha Timor-Leste, prioridade prinsipal husi VIII Governo Konstitusional RDTL iha area ensino superior maka atu “Asegura Kualidade Ba Prosesu Hanorin Ba Aprendizajem Iha Instituisaun Ensino Superior Iha Publiku No Privadu”.
Madre Reitora Instituto Profissional de Canossa (IPDC), madre Ervinia Martins Brito, FdCC iha diskursu hateten katak graduadus IPDC presiza tane a’as nafatin valores hotu ne’ebe mak aprende ona iha IPDC, Formasaun fuan mak sabedoria Canossa nian, forma jovem sira nia caráter hatete moris simples, haraik-an, hatene hadomi, responsavel, badinas, respeito no hamtauk Maromak.
Parabens ba Graduandu Instituto Profissional de Canossa
Parabens ba Departementu Técnicas de Computação e Informática
Parabens ba Departementu Jestaun Administrativa
Viva Santa Madalena de Canossa
Viva Santa Josefina Bakhita
Viva IPDC