Retiru ho Tema Haklean Sensu de Comunhão dosente ho staff
2019-07-22 | 00:00:10 | Administrator
Instituto profissional de Canossa (IPDC) realiza retiru ida ho tema Haklean Sensu de Comunhão entre dosentes ho staff IPDC husi dia 19 – 20 de Julho 2019 iha uma Retiru Dare, objetivu husi retiru ida ne'e maka Resfresca enerjia positiva ba isin, mental no espiritual,Hametin laço amizade entre dosentes no staff no mos Haklean konesementu kon ba knar “ Serbi “ Canossian Style
Iha mos Refleksaun ne’ebe fo husi Madre Guilhermina Marcal, FdCC ho objetivu atu staff, dosente no madre sira bele perdua malu, fo liman ba malu no bele koopera diak liu tan hodi dezenvolve IPDC, no treinamentu husi Padre Plino, SJ kona ba Servant Leadership ho objetivu atu staff, dosentes no madre ida-idak bele descobre an katak sira mos nudar lider ida no oinsa atu bele define kona ba tipu lideransa saida mak durante ne’e aplika no hala’o no mos fo konesementu ba staff, dosentes, madres sira ida-idak hodi bele komprende didiak kona ba saida mak Servant Leadership?.
Iha mos jogos ne’ebe responsavel husi Madre Fernanda ho objetivu atu staff, dosentes no madre sira bele servisu hamutuk iha grupo ida nia laran no bele kolabora ba malu diak liu tan iha grupo ida nia laran. Espera katak liu husi retiru ida ne’e bele ajuda staff, dosente no madre sira hametin liu tan unidade, no bele servisu hamutuk diak liutan hodi bele dezenvolve IPDC.