IPDC Komemora Loron Dies Natalis ba dala XVI
2019-09-10 | 12:00:00 | Admin
Hodi komemora loron Instituto Profissional de Canossa (IPDC) ba dala XIV(16) iha dia 10 de Setembro 2019, ne’ebe ho tema jeral “Naroman Husi Ahi Klobor Hafanu Espirito Juventude Iha Area Edukasaun Hodi Kontribui ba Prosesu Dezenvolviemnto Timor Leste”. IPDC realiza Abertura Jogo Futebol taxa rotativa ba dala VII ou konesidu ho naran IPDC Cup iha dia 22 de Julho 2019 Oras 15.00 OTL, Partisipa ba abertura ida ne’e mak Madre Reitora IPDC, Madre Ervinia Brito Martins, FdCC, Vice Reitor Assuntu Akademiku, Vice Reitor Assuntu Estudantil, Vice Reitora Assuntu Peskiza, Chefe Departementu Office Management, Chefe Departementu Técnicas de Computação e Informática no corpo dosentes no staff IPDC, no mos Vice Presidente Federaçao Futebol Timor Leste Senhor Aleixo, no Segundu Komandante Policia Municipio Dili Senhor Euclides Belo.
Objetivu ba jogo ida ne’e maka atu festeza loron aniversario Instituto Profissional de Canossa ba dala sanulu resin ne’en (XIV) no hametin amizade no fraternidade entre estudantes husi universidade publiku, universidade / instituisaun superior privado no alin joven sira ne’ebe involve iha jogo IPDC Cup refere, no jogo ida ne’e hetan suporta husi Timor Telecom, InstantShop, Federaçao Futebol Timor Leste (FFTL), no DELOS.
Madre Reitora iha nia diskurso ba alin jogadores sira atu bele joga ho diak, hametin amizade, no bele mos hasa’e talento husi jogadores ida-idak.
Grupo Futebol hamutu 25 mak partisipa iha jogo IPDC Cup ba tinan 2019, grupo hirak ne’e mak hanesan: FC. Maranatha, FC. Rakalele, FC. Curioso, FC. Pardau, FC. Jovtil, FC. UNTL, FC. CS DIT, FC. Annur, FC. Professores Canossa, FC IPDC no grupo seluk tan, tinan ida ne’e sei fahe ba pool 6 no kada pool hamutuk grupo 4 no grupo 5, no sei fahe ba jogo 1, 2 no 3 faze.
Kompetisaun barak mak realiza hodi celebra aniversario IPDC ba dala XVI mak hanesan kompetisaun Debatu ho tema “Lixo”, Typing, Sobu no Monta Komputador, Dezenu Logo Aniversario IPDC dala XVI, kria video profile IPDC no mos blogspot ba materia ninian, estudantes iha antusiasmu tebes hodi tuir kompetisaun ida ne’e, no mos sira bele hatudu sira nia skills ida-ida ba estudantes ida-ida nia departementu.
Komemorasaun Aniversario Dies Natalis Instituto Profissional de Canossa (IPDC) ba dala XVI iha dia 10 de setembro 2019 hahu ho misa agradecementu ne’ebe prezide husi Padre Juvito do Rego iha nia homilia dehan katak “Matenek laos uza hodi ukun deit, maibe uza hodi Servi” no depois de misa partisipante hotu-hotu festeza hamutuk iha Salaun Canossa Haslaran Delta Comoro.
Parabens Instituto Profissional de Canossa