IPDC hetan 2 lugar Kompetisaun kriasaun Website Profile SEJD
2019-07-26 | 09:00:00 | Admin
Kompetisaun “ Kria Website profile Secretario do Estado e Juventu e do Desporto (SEJD)” iha tinan 2019 ne’ebe organiza husi INFOTimor realiza iha dia 26 de Julho 2019 hahu husi oras 08.00 – 19.30 OTL ih salaun Catedral Dili, partisipa husi universidade no instituisaun superior hanesan Universidade Oriental Timor Lorosa’e (UNITAL), Institute of Bussines (IOB), Dili Instituto of Technology (DIT), no Instituto Profissional de Canossa, kada universidade / instituisaun ida sei delega grupo estudante 2 hodi kompete iha kompetisaun ida ne’e.
Instituto Profissional de Canossa (IPDC) delega grupo ida deit mak komposto husi estudantes, Egidio M. Ximenes, Eufrasia Marçal, no Pedro Ramos Bria husi departementu Técnicas de Computação e Informática (TCI) no hetan segundu lugar ba kompetisaun kriasaun website ida ne’e, kompetisaun ida ne’e nudar meios ida hodi estudante sira bele hatudu sira nia skill kona ba programasaun ninian no bele motiva estudante sira liu-liu husi departementu Técnicas de Computação e Informática (TCI) hodi bele estuda maka’as liu tan.
Parabens ba Intituto Profissional de Canossa (IPDC) liu-liu ba estudantes husi departementu Técnicas de Computação e Informática (TCI) ne’ebe bele kompete iha nivel nasional iha Timor-Leste. Viva IPDC, Viva Santa Madalena de Canossa, Viva Santa Josephina Bakhita.
Parabens..